Gyda’n gilydd, gallwn ni

greu cymdeithas gynaliadwy a chyflawni potensial bywyd dynol.

“Helo, Palak ydw i. Rwy’n dod o India. Des i i Brifysgol Caerdydd i astudio gradd Meistr mewn gweinyddu busnes. Pan fydd gen i rôl arwain, bydda i’n gwarantu fy mod yn fenyw ym maes cyllid sy’n siarad am arian, ond ar ben hynny am gynaliadwyedd. Gyda’n gilydd gallwn ni greu cymdeithas gynaliadwy a chyflawni potensial bywyd dynol.”

Palak Jain (MBA)

Gweinyddu Busnes

Mae gan Palak, ein myfyriwr Gweinyddu Busnes (MBA) o India, ddyheadau mawr. Mae hi’n gobeithio cyfrannu at adeiladu cymdeithas fwy cynaliadwy lle mae busnesau ac unigolion yn cydweithio. Mae hi’n teimlo bod gyda’n gilydd, gallwn ni gyflawni ein potensial dynol — ac rydyn ni’n edrych ymlaen at barhau i weithio gyda hi i’w helpu i gyflawni ei nod.

Dewisodd MBA oherwydd ei bod o’r farn mai dyma’r radd berffaith i’ch gosod ar wahân, gan eich helpu i ddatblygu sgiliau arwain ochr yn ochr â sgiliau rheoli a thasgau beirniadol eraill hefyd. Mae hyn, ynghyd â gwerth cyhoeddus Ysgol Busnes Prifysgol Caerdydd, yn creu sylfaen wych i Palak gamu i’r rôl arweinyddiaeth y mae’n ei gweld i’w hun yn y dyfodol.

Mae ei hastudiaethau yma wedi ei hannog i ailystyried cynaliadwyedd, sut mae’n cyflawni hyn yn bersonol ym mhopeth y mae’n ei wneud, ac ar raddfa fwy, sut y gall busnesau symud tuag at ei gyflawni hefyd. Mae hi eisiau arwain mewn ffordd sy’n cynnwys cynaliadwyedd yn rhan greiddiol o bob agwedd ar fusnes, gan ddod â thwf a chyfrifoldeb cymdeithasol ynghyd. Rydyn ni’n edrych ymlaen at weld beth mae Palak yn ei wneud nesaf.