Joshua Tandy (BSc)

Wedi dechrau ar ei astudiaethau yng Nghaerdydd ar gwrs Geneteg, sylweddolodd yn gyflym ei fod yn angerddol dros anatomeg a chanfod bod dull y tîm anatomeg tuag at waith ar y cyd yn taro tant â’i feddylfryd ef hefyd. Yr hyn sy’n ei gyffroi fwyaf am ei gwrs yw’r cysylltiad uniongyrchol rhwng ymchwil a’r cyfle i gyfrannu at hyrwyddo ein dealltwriaeth o fioleg ddynol.

Mae gwaith tîm wedi bod yn rhan hanfodol o’i daith yng Nghaerdydd, ac mae wedi bod yn agoriad llygad i Joshua ymgysylltu â grŵp mor amrywiol o bobl yn ystod ei gyfnod yma. Mae’n gobeithio cael gyrfa hir ym maes ymchwil ac addysg, i ysbrydoli eraill i ddilyn eu dyheadau ac i gyfrannu’n ystyrlon at ein dealltwriaeth o anatomeg ddynol.

Mae Joshua yn meddwl mai un o’r pethau pwysicaf rydych chi’n ei ddysgu yma yw nid dim ond yr hyn rydych chi eisiau ei wneud, ond pwy ydych chi, a bod deall eich gwerthoedd a’ch credoau eich hun yn allweddol i lunio’ch gyrfa yn y dyfodol. Rydyn ni’n edrych ymlaen at barhau i feithrin yr amgylchedd hwn nid yn unig i Joshua, ond i bob un o’n myfyrwyr.