Gyda’n gilydd, gallwn ni

fynd i’r afael â’r newid yn yr hinsawdd

“Helo, Chloe yw fy enw i. Rwy’n dod o Surrey, ac rwy’n astudio Ffrangeg a Sbaeneg. Rwy’n teimlo’n angerddol am newid yn yr hinsawdd oherwydd bod y byd yma’n hardd ac yn anhygoel, ac rwy’n gwybod y gallwn ni ymladd, gan arfer ein deallusrwydd a’n hangerdd, i achub y blaned ac achub ein hunain. Gyda’n gilydd gallwn ni frwydro yn erbyn newid yn yr hinsawdd.”

Chloe Cox (BA)

Ieithoedd Modern

Mae Chloe yn astudio Ffrangeg a Sbaeneg ym Mhrifysgol Caerdydd, ac mae hi o’r farn bod ieithoedd yn rhoi’r gallu iddi gysylltu â phobl o bob cefndir. Mae hi wrth ei bodd gyda’r ffaith bod siarad iaith frodorol rhywun yn deimlad mor bersonol, a gwerth y cysylltiad sy’n dod yn sgil hynny.

Mae Chloe yn angerddol iawn dros newid yn yr hinsawdd, ac mae hi’n credu y gallwn ni, trwy gydweithio, frwydro yn erbyn effaith newid yn yr hinsawdd gan ddefnyddio ein deallusrwydd a’n hangerdd i achub ein planed.

Ei rhieni yw ei hysbrydoliaeth oherwydd eu bod nhw bob amser wedi ceisio gwneud y peth iawn ar gyfer yr amgylchedd. Mae hi’n credu y gallwn ni ddilyn yn ôl eu traed a gwneud gwahaniaeth — a hynny drwy gamau bach neu ymdrechion mwy.

Mae hi eisiau bod yn rhan o fudiad sy’n gwneud gwahaniaeth, ac rydyn ni o’r farn bod Chloe yn graddio o Brifysgol Caerdydd yn mynd i fod yn gam enfawr i’r cyfeiriad cywir iddi.