Penwythnos yr Aduniad Mawr

23 – 24 Gorffennaf 2027

P’un a ddaeth eich nosweithiau i ben gyda Delilah neu Angels, ymunwch â chyn-fyfyrwyr o bob degawd wrth i ni ddod ynghyd ar gyfer penwythnos aduniad bythgofiadwy arall.

Penwythnos yr Aduniad Mawr yw eich cyfle i ddychwelyd i Gaerdydd, ailgysylltu â ffrindiau, ailymweld â’ch hoff leoedd a chreu atgofion newydd.

Ble bynnag y dechreuodd eich stori yng Nghaerdydd, bydden ni wrth ein bodd yn eich croesawu’n ôl – p’un a wnaethoch chi astudio ym Mhrifysgol Caerdydd, UCC, UWIST, UWCM, UWC, neu yng Ngholeg Prifysgol De Cymru a Sir Fynwy a’i rhannau cyfansoddol.

Un tocyn. Un penwythnos. Mynediad llawn.

Rydyn ni’n cadw pethau’n syml eleni – sef, tocyn penwythnos unigol sy’n rhoi mynediad i chi i ddigwyddiadau nos Wener a nos Sadwrn, yn ogystal â rhaglen lawn o weithgareddau drwy gydol y penwythnos. Mwy o werth a mwy o amser i ailgysylltu â ffrindiau.

Cael eich tocyn

Cynnig cynnar

Bydd y 250 cyn-fyfyriwr cyntaf i gadw eu lle yn cael ein pris tocyn isaf – £15 (a ffioedd yn ychwanegol). Ar ôl iddyn nhw fynd, maen nhw wedi mynd, felly bachwch eich tocynnau yn gynnar a dechrau cynllunio eich taith i Gaerdydd.

Newydd raddio? Dim problem.

Rydyn ni’n deall y gall y blynyddoedd cyntaf ar ôl y brifysgol fod yn ddrud. Dyna pam rydyn ni’n cynnig pris tocyn gostyngol o £15 (a ffioedd yn ychwanegol) i gyn-fyfyrwyr a raddiodd yn 2020 neu’n ddiweddarach. Cadwch lygad ar eich e-byst am eich côd disgownt neu e-bostiwch ni.

Tocynnau cyffredinol

Mae tocynnau cyffredinol yn costio £25 (a ffioedd yn ychwanegol) tan 30 Mehefin 2027. Ar ôl hynny, bydd tocynnau hwyr ar gael am £35 (a ffioedd yn ychwanegol), felly cadwch eich lle yn gynnar i gael y pris gorau.

Penwythnos i’w gofio

Dewch i fwynhau’r awyrgylch arbennig, gyda noson fythgofiadwy yn Undeb y Myfyrwyr, cyflwyniadau diddorol a chyfle unigryw i ymweld â’r campws am un penwythnos yn unig. P’un a ydych chi’n dychwelyd gyda ffrindiau neu’n dod yn ôl ar eich pen eich hun, byddwch chi’n cael croeso cynnes yng Nghaerdydd. Mae croeso i westeion sydd ddim yn gyn-fyfyrwyr.

23 – 24 Gorffennaf 2027

Amserlen y penwythnos

23 Gorffennaf 2027

Parti stryd nos Wener

Noson o haf wedi’i threulio yn y lle perffaith – yn ôl ar y campws. Ymunwch â ni ar y campws ar gyfer parti stryd i gyn-fyfyrwyr! Mwynhewch yr awyrgylch gyda cherddoriaeth fyw, bar a chyfleodd i dynnu lluniau o’r aduniad. Cyrhaeddwch yn gynnar a mwyhewch ddiod groeso am ddim.

24 Gorffennaf 2027

Dydd Sadwrn

Dydd Sadwrn llawn atgofion o Gaerdydd – i gyd wedi’u cynnwys yn eich tocyn. Bydd rhaglen dydd Sadwrn yn cynnwys y canlynol:

Siaradwyr sy’n gyn-fyfyrwyr a thrafodaethau panel
Teithiau tywys
Gweithgareddau academaidd a threftadaeth
Cyfarfodydd cymdeithasol
Profiadau Undeb y Myfyrwyr
Amser rhydd i ymweld â’ch hoff leoedd yn y gorffennol ac ail-ddarganfod y ddinas
Cymdeithasu yn y Taf

Cyhoeddir y rhaglen lawn yn ystod y misoedd nesaf.

24 Gorffennaf 2027

Nos Sadwrn

Nos Sadwrn go iawn yn Undeb y Myfyrwyr

P’un a ydych chi’n ei gofio fel Solus, The Hanging Gardens, Terminal 396, neu’n ei adnabod fel Y Plas, rydyn ni’n dod â chenedlaethau o gyn-fyfyrwyr Prifysgol Caerdydd at ei gilydd unwaith eto.

Os ydych chi’n hel atgofion am nosweithiau Llun yn Fun Factory neu nosweithiau Mercher yn Rubber Duck, neu’n hiraethu am YOLO, dewch i ddawnsio drwy’r nos yn lle y dechreuodd cymaint o atgofion.

Llety

Dewch i hel atgofion ac aros mewn neuadd breswyl. Rhagor o fanylion cyn bo hir.

Mae gennyn ni gynigion unigryw ar gyfer gwestai yn y ddinas. Cewch chi fanylion llawn ar sut i hawlio gostyngiadau yn eich e-bost cadarnhau. Fel arall, ewch i croesocaerdydd.com i weld opsiynau eraill o ran llety.

Ymunwch â’r sgwrs

Rhagor o wybodaeth

Cysylltwch â chyn-fyfyrwyr eraill cyn y digwyddiad a defnyddiwch ein cymunedau ar-lein i roi gwybod eich bod yn dod.

Mewn cysylltiad â