“Byron Biggs ydw i, dw i’n dod o Fryste ac astudiais i Gyfrifiadureg. Dw i wedi bod â diddordeb erioed mewn technoleg a sut mae’n siapio’r byd o’n cwmpas ni.”

Yn ôl y myfyriwr graddedig Cyfrifiadureg, Byron o Fryste, ei frwdfrydedd am dechnoleg a sut mae’n siapio’r byd o’n cwmpas wnaeth yrru ei benderfyniad i ddilyn llwybr gradd yng Nghaerdydd. Roedd am fod yn rhan o sut mae’r byd yn newid drwy ddatblygiadau technolegol a chyfrannu at rywbeth sy’n mynd i siapio ein dyfodol. Ei nod yw gwneud interniaeth cyn dod o hyd i swydd lle gall ei sgiliau helpu i wneud gwahaniaeth – ond yn gyntaf, bydd yn astudio gradd Meistr mewn Peirianneg Meddalwedd gyda ni ym Mhrifysgol Caerdydd. Nid yn unig mae Byron am wthio ffiniau technoleg – mae am wneud gwahaniaeth i fywydau pobl hefyd.

Dysgodd yn ystod ei amser yng Nghaerdydd pan fyddwn ni’n cydweithio, rydyn ni’n llawer cryfach. Mae’n credu mai cydweithio sy’n gyrru newid cadarnhaol gwirioneddol – ac roedd wrth ei fodd gyda faint o gyfleoedd ystyrlon a gafodd i gydweithio yn ystod ei radd. Yn ôl Byron, mae Caerdydd wedi bod yn fwy na lle i astudio; mae wedi bod yn lle i dyfu. Rydyn ni’n edrych ymlaen i weld Byron yn tyfu mwy fyth wrth iddo barhau â’i addysg gyda ni cyn mentro allan i’r byd i wneud gwahaniaeth