English
English

Llywio dyfodol iechyd

Postgraduate open day

Mae ein cyrsiau ôl-raddedig arbenigol yn cysylltu ymchwil arloesol ag effaith yn y byd go iawn.

Edrychwch ar ein rhaglenni MSc i fyfyrwyr â graddau cyntaf mewn gwyddoniaeth, mathemateg a chyfrifiadureg, meddygaeth, gwyddorau fferyllol, seicoleg a rhagor. Dewch yn rhan o’n cymuned fywiog o fyfyrwyr i ddatblygu gwybodaeth ddatblygedig a sgiliau dadansoddol i fynd i’r afael â heriau iechyd y dyfodol.

Dewch o hyd i’ch gradd

BSc Niwrowyddoniaeth

Bydd y cwrs newydd ac ymdrochol hon yn sicrhau bod gennych chi’r sgiliau i ddatblygu dealltwriaeth fyd-eang o gyflyrau niwroseiciatrig – a throsi hyn yn well ddiagnosteg, therapïau a rheoli’r anhwylderau hyn, a’ch paratoi ar gyfer gyrfa ym maes cyffrous a chyflym Niwrowyddoniaeth. Croesewir ceisiadau gan y rhai sydd ag ystod eang o raddau israddedig, gan gynnwys gwyddorau biolegol a ffisegol, peirianneg, seicoleg, meddygaeth a rhagor.

MSc Biowybodeg Gymhwysol

Cewch y cyfle i archwilio, dadansoddi a dehongli data biolegol cyfoes ar y rhaglen hon a gafodd ei hailgynllunio yn ddiweddar, ac mae wedi’i hanelu at y rhai sydd â chefndir ym meysydd y gwyddorau biolegol, cyfrifiadureg neu fathemateg. Mae’r cwrs datblygedig hwn yn adeiladu ar dros ddegawd o brofiad o hyfforddi gwybodegwyr graddedig hynod alluog er mwyn bodloni anghenion biowybodeg cynyddol cyflogwyr lleol, cenedlaethol a rhyngwladol.

Meistr mewn Iechyd Cyhoeddus (MPH)

Dewch i ddatblygu’r sgiliau er mwyn deall, dadansoddi a gwella iechyd y boblogaeth drwy ymarfer iechyd cyhoeddus sy’n seiliedig ar dystiolaeth. Caiff y cwrs hwn, sydd â bri rhyngwladol, ei gyflwyno gan arbenigwyr blaenllaw yn y maes ac mae ganddo gysylltiadau agos â chyrff cyhoeddus fel Llywodraeth Cymru, Ymddiriedolaethau’r GIG ac Iechyd Cyhoeddus Cymru. Mae’r cwrs ar gael i’r rhai sydd ag ystod eang o raddau israddedig sy’n seiliedig ar wyddoniaeth, a bydd yn eich datblygu i ddod yn arweinydd ym maes diogelu a hyrwyddo iechyd a lles y boblogaeth a’r blaned.

Biowyddorau (MRes)

Mae’r rhaglen hon yn galluogi graddedigion y biowyddorau, gwyddorau cyfrifiadurol, mathemateg neu’r gwyddorau ffisegol i ymgymryd â phrosiect ymchwil sylweddol 6 mis o hyd yn labordy gwyddonydd o fri rhyngwladol. Os ydych chi’n ystyried gwneud PhD, ond am ddysgu rhagor am ymchwil yn y biowyddorau yn gyntaf, neu os ydych am ddilyn gyrfa mewn ymchwil y tu allan i’r byd academaidd, efallai mai dyma’r cwrs i chi.

MSc Peirianneg Meinweoedd a Meddygaeth Adfywiol

Llywio dyfodol meddygaeth – wedi’i gynllunio ar gyfer graddedigion y biowyddorau, meddygaeth, deintyddiaeth, fferylliaeth a pheirianneg. Nod y rhaglen hon, sydd y gyntaf o’i math, yw datblygu’r genhedlaeth nesaf o dechnolegau peirianneg meinweoedd a meddygaeth adfywiol i helpu i drin clefydau na ellir eu gwella ar hyn o bryd. Byddwch yn mireinio eich sgiliau yn ystod prosiect ymchwil 5 mis o hyd o’ch dewis chi mewn meysydd megis bioargraffu 3D, bioleg bôn-gelloedd, fesiglau allgellog, atffurfio organau a meinweoedd, bio-adweithyddion a chyflenwi cyffuriau.

MSc Imiwnoleg Glinigol Gymhwysol ac Arbrofol

Mae’n anodd meddwl am adeg fwy cyffrous ym maes gwyddoniaeth fiofeddygol o ystyried y llu o gyfleoedd sydd ar gael ar hyn o bryd. Yn y rhaglen, a luniwyd gan arbenigwyr rhyngwladol sy’n gweithio ym maes Haint, Imiwnedd a Llid, cewch feithrin sgiliau trosglwyddadwy sy’n bodloni gofynion gweithlu’r dyfodol, gan ddysgu ystod o’r biodechnegau a’r dulliau ymchwil mwyaf blaenllaw, yn ogystal â mewnbwn arbenigwyr biotechnoleg a’r gwyddorau biofeddygol.

MSc Technoleg Biofeddygol a Biofoleciwlaidd

Rhowch hwb i’ch gyrfa drwy gael hyfforddiant o’r radd flaenaf ar dechnoleg fiofeddygol a biofoleciwlaidd – lle mae arloesi’n arwain at atebion ymarferol ym meysydd iechyd a biodechnoleg. Mae wedi’i gynllunio ar gyfer myfyrwyr sydd â gradd yn y biowyddorau, meddygaeth neu fferylliaeth ac fe gewch eich addysgu gan arbenigwyr rhyngwladol sydd ar flaen y gad ym maes ymchwil biofeddygol. Bydd cyfarpar a chyfleusterau ymchwil arloesol ar gael ar eich cyfer mewn canolfannau technoleg a gynhelir gan Ysgol y Biowyddorau.

MSc Bioleg Canser a Therapiwteg

Byddwch yn dysgu gan ymchwilwyr, oncolegwyr a chlinigwyr canser ar y cwrs eang hwn sy’n ymdrin â bioleg celloedd canser foleciwlaidd sylfaenol hyd at ymchwil drosiadol a therapiwteg. Cewch y cyfle i ymgymryd â phrosiect ymchwil yn un o’r grwpiau ymchwil canser sydd o fri rhyngwladol yng Nghaerdydd, ac mae’n agored i raddedigion y gwyddorau biolegol, cemeg, gofal iechyd neu fferylliaeth.

Pam astudio gyda ni?

90%

mae ein hymchwil yn arwain y byd neu’n eithriadol ar lefel ryngwladol

89%

roedd ein myfyrwyr ôl-radd a dderbyniodd addysg wedi’u cyflogi mewn swyddi medrus iawn 15 mis ar ôl eu graddio

12th

Prifysgol gorau yn y DU ar gyfer cyflogadwyedd

Fframwaith Rhagoriaeth Ymchwil 2021 | Arolwg Hynt Graddedigion HESA 2023 | Rhestr Fyd-eang Cyflogadwyedd Prifysgolion, Times Higher Education, 2023

Rhagor o wybodaeth

Taith rithwir o amgylch y campws
Cymerwch gip ar ein campysau a’n dinas, lle bynnag yr ydych chi yn y byd
Eich opsiynau ariannu
Mae ystod o opsiynau ariannu ar gael, gan gynnwys ein hysgoloriaethau gradd meistr o £3,000 a chynlluniau Gostyngiad i Gyn-fyfyrwyr.
Sut i wneud cais
Ydych chi’n barod i gymryd y cam nesaf? Rydyn ni yma i helpu – cymerwch gip ar ein canllaw cyflwyno cais

Rhagor o wybodaeth

Taith rithwir o amgylch y campws
Cymerwch gip ar ein campysau a’n dinas, lle bynnag yr ydych chi yn y byd
Eich opsiynau ariannu
Mae ystod o opsiynau ariannu ar gael, gan gynnwys ein hysgoloriaethau gradd meistr o £3,000 a chynlluniau Gostyngiad i Gyn-fyfyrwyr.
Sut i wneud cais
Ydych chi’n barod i gymryd y cam nesaf? Rydyn ni yma i helpu – cymerwch gip ar ein canllaw cyflwyno cais