Gyda’n gilydd, gallwn – Rebecca Clery | Discover Cardiff University

“Mae’n ymwneud â rhoi cynnig ar wahanol bethau, darganfod ble rydych chi’n ffitio i mewn, a darganfod beth rydych chi wir yn ei fwynhau.”

Rebecca Clery (BSc)

Pensaernïaeth

“Helo, fy enw i yw Rebecca, a dw i’n dod o Croydon yn wreiddiol. Dw i wedi bod yn astudio Pensaernïaeth yma yng Nghaerdydd. Dw i wedi ystyried fy hun erioed yn gymysgedd o rywun rhesymegol a chreadigol, ac mae pensaernïaeth yn cyfuno’r ddau yn berffaith.”

Mae Rebecca yn ystyried ei hun yn rhesymegol ac yn greadigol, a dyna pam gafodd ei denu i astudio Pensaernïaeth ym Mhrifysgol Caerdydd, gan fod y ddisgyblaeth hon yn gofyn am gyfuniad o’r ddwy nodwedd. Gydag angerdd am ddylunio gofodau sy’n gwella ein lles a’n bywydau, mae Rebecca wrth ei bodd â’r ffaith bod pensaernïaeth wedi’i thrwytho cymaint yn y ffordd rydyn ni’n byw – ble rydyn ni’n gweithio, ble rydyn ni’n ymlacio, a sut rydyn ni’n rhyngweithio. Mae hi wrth ei bodd bod ei disgyblaeth yn caniatáu iddi greu rhywbeth diriaethol.

Yn dechrau blwyddyn i ffwrdd i deithio, mae Rebecca’n bwriadu gweld y byd cyn dychwelyd at ei hastudiaethau gyda blwyddyn ar leoliad mewn cwmni pensaernïaeth. Mae’n gobeithio paru ei gwybodaeth newydd o’i gradd gyda phrofiad ymarferol yn defnyddio pensaernïaeth i’n helpu ni i fyw’n fwy cynaliadwy, gan greu gofodau sy’n bodloni ein hanghenion ond sydd hefyd yn parchu ac yn gwarchod yr amgylchedd.

Mae cydweithio’n rhan mor bwysig o bensaernïaeth, ac mae’n rhywbeth roedd Rebecca wrth ei bodd yn ei archwilio drwy gydol ei hamser yng Nghaerdydd – dysgu gwerth cydweithio a sut gall dyluniadau unigol ddod at ei gilydd a chreu rhywbeth cydlynol a bywiog. Helpodd ei hamser yma iddi gamu o’i chylch cysur a mynd allan a gwneud mwy, gan ganfod yr hyder i roi cynnig ar bethau gwahanol, i dderbyn pan nad hi yw’r gorau ym mhopeth, ac i ddarganfod beth mae hi wir yn ei fwynhau.

Archwiliwch ein cyrsiau Pensaernïaeth

Gyda’n gilydd, gallwn

fyw yn fwy cynaliadwy drwy law pensaernïaeth

Pam wnest ti benderfynu astudio Pensaernïaeth?

Roedd y syniad o greu rhywbeth diriaethol — rhywbeth gallwch chi ei weld a’i gyffwrdd — wir yn apelio ata i. Mae gan bensaernïaeth gyswllt dwfn â’r ffordd rydyn ni’n byw: ble rydyn ni’n gweithio, ble rydyn ni’n ymlacio, ble rydyn ni’n rhyngweithio. Drwy bensaernïaeth addasol ac adferol, gallwn greu amgylcheddau sydd nid yn unig yn ymarferol ond sydd hefyd yn gwella ein lles. Mae’n ymwneud â dylunio gofodau sy’n gwneud bywyd yn well i bawb.

Allwch chi sôn am un o’ch uchafbwyntiau wrthon ni?

Eleni, gweithiais ar brosiect cymunedol yn Nhreherbert yn y de. Roedden ni mewn grwpiau bach, yn dylunio gwahanol agweddau ar y Stryd Fawr, fel canolfannau ymwelwyr, caffis, a chanolfannau hamdden — gyda’r nod o adfywio’r ardal. Roedd hi’n anhygoel gweld ein dyluniadau unigol yn dod at ei gilydd i greu gofod cymunedol cydlynol a bywiog. Atgyfnerthodd y profiad yma mor bwysig yw cydweithio mewn pensaernïaeth.

Beth yw eich cynlluniau ar ôl gorffen eich gradd?

Dw i’n bwriadu cymryd blwyddyn allan i deithio, gan ddechrau gyda thymor sgïo ac yna archwilio Japan a rhannau eraill o Asia. Ar ôl hynny, fe af i’n ôl at fy astudiaethau gyda blwyddyn ar leoliad, gan gael profiad ymarferol gyda chwmni pensaernïaeth go iawn. Yn y pen draw, dw i’n bwriadu parhau â fy ngradd Meistr i ehangu fy ngorwelion.

Beth yw dy obeithion ar gyfer y dyfodol?

Dw i’n credu gyda’n gilydd, gallwn ni fyw yn fwy cynaliadwy. Drwy bensaernïaeth, mae gennyn ni’r pŵer i greu gofodau sydd nid yn unig yn bodloni ein hanghenion ond sydd hefyd yn parchu ac yn gwarchod ein hamgylchedd. Mae’n ymwneud â dylunio gyda phwrpas ac ystyried effaith hirdymor ein hadeiladau ar bobl a’r blaned.

“Mae dysgu bod methiant neu amherffeithrwydd yn rhan o’r daith wedi bod yn hynod werthfawr.”

“Drwy bensaernïaeth, mae gennyn ni’r pŵer i greu gofodau sydd nid yn unig yn bodloni ein hanghenion ond sydd hefyd yn gwarchod ein hamgylchedd.”

Dechreuwch eich stori Caerdydd chi

Darllenwch fwy o straeon fel stori Rebecca

Mae ein graddedigion yn unfarn unllais ar y weledigaeth at y dyfodol. O harneisio ein sgiliau, ein dysg a’n safbwyntiau amrywiol, gallwn greu newid cadarnhaol, arloesi a chreu byd gwell i genedlaethau’r dyfodol. Mae graddedigion 2024 yn dweud eu dweud wrthon ni.

Gyda’n gilydd, gallwn

ymlafnio i sicrhau bod pawb yn llwyddo

Adam Searle (BSc)

Rheoli Busnes

Gyda’n gilydd, gallwn

sicrhau bod mathemateg yn fwy hygyrch i fenywod

Erin Cavan (BSc)

Mathemateg

Gyda’n gilydd, gallwn

newid y byd drwy ffiseg

Kavetha Karunaseelan (BSc)

Ffiseg

Adam Searle (BSc)

Rheoli Busnes

Erin Cavan (BSc)

Mathemateg

Kavetha Karunaseelan (BSc)

Ffiseg